ILOILO – May yara sang significant decrease ukon pagnubo sa supply sang illegal drugs sa Western Visayas.
Sa interview sang Bombo Radyo kay Philippine Drug Enforcement Agency 6 Director Alex Tablate, iya ginpahayag nga ang pagbuhin sang supply sang illegal drugs sa Western Visayas amo ang pagdamu sang drug-cleared barangay kag ang pagbuhin sang drug personality.
Suno kay Tablate, gikan sa 63%, nagnubo sa 40% ang supply sang illegal drugs sa rehiyon bisan pa nga indi man mahinago nga may yara sang supply nga nagasulod halin sa iban nga lugar sa pungsod.
Sa pihak sini, ginpahayag ni Tablate nga padayon ang pagpasangkad sang kampanya sang Philippine Drug Enforcement Agency agud nga matapna ang illegal drugs ilabi na subong nga holiday season.
Lakip sa mga ginatutukan sang ahensya suno sa natungdan amo ang pagbantay sa mga pantalan kag airport kag ang pagpasangkad sang Canine visibility.
Ginpahayag ni Tablate nga ang tanan nga impormasyon nga mabaton sang ahensya ang may yara sang intelligence value.
