ILOILO CITY–Nagakuha sang supply sang illegal nga droga sa New Bilibid Prsion sa Muntinlupa City ang subject sang buy bust operation sang Regional Drug Enforcement Unit (RDEU) nga si Clint Soliva.
Sa interview sang Bombo Radyo kay Police Senior Inspector Kenneth Bermejo, team leader sang RDEU, iya ginpahayag nga sa Bilibid naghalin ang supply ni Soliva kag ginabaligya diri sa syudad sang Iloilo.
Suno kay Bermejo, konektado sang una si Soliva sa grupo sang napatay nga drug Lord nga si Melvin Odicta Sr.
Nagpaninguha nga makapangita sang koneksyon si Soliva sa Bilibid sunu kay Bermejo agud nga makapangita sang supplier kag makabalik sa iya negosyo nga pagbaligya sang ilegal nga droga.
Smatang, indi pa matumod sang kapulisan kon ano nga kaso ang ipasaka batok kay Soliva
Suno kay Bermejo, ginatun-an pa nila kun ano nga kaso ang ipasaka batok kay Soliva nga wala man sa lugar sang ginpatigayon ang buybust operation sa Bankers Village,  Brgy. Tabuc Suba, Jaro, Iloilo City.
Samtang, pasakaan naman ang kaso nga paglapas sa Republic Act 9165 Comprehensive Dangerous Drugs Act ang right hand ni Soliva nga si Ryan Constantino alyas Maymay samtang conspiracy naman batok kay Rosalie Gillanga nga live-in partner ni Soliva.
Kaso nga illegal possession of firearms naman ang ipasaka batok kay Joely Devilles, matapos makuhaan sang mga armas-luthang kag bala.
Si Devilles ang boarder sa compound sa diin naga-istar ang pamilya Soliva.