AUSTRALIA – Ginakulang subong ang supply sang itlog sa Australia.
Suno kay Bombo International Correspondent Denmark Suede, iya ginpahayag nga nagtaas sang 40% ang presyo sang itlog sa mga supermarkets.
Ginpahayag ni Suede nga ang mga poultry farms sa Australia ang nagabatyag subong sang kabudlay nga isustinir ang demand sang mga consumers.
Ginatudlo suno sa natungdan ang rason sang egg shortage sa pag-shift sa free-range eggs, pagtaas sang production costs, indi maayo nga klima, kag pandemya.
Sa subong, suno kay Suede, gin-limit na lang ang itlog sa two-carton per customer.
Nahibaluan nga kinahanglan sang 15 tubtub 16 ka oras sang daylight kada adlaw antes makapangitlog ang manok.
Ang mga Battery farms ang nagagamit naman sang artificial lighting, apang ang mga free-range farms ang wala nagagamit sini nga nagaresulta sa paggamay sang supply sang itlog sa tion sang winter.
