MANILA – Ginpasalig ni Presidente Rodrigo Duterte nga bastante ang supply sang pagkaon sa Luzon kasunod sang iya deklarasyon nga ipaidalom sa enhanced community quarantine ang lugar bangud sa Coronavirus Disease 2019 (COVID-19).
Sa iya mensahe sa Malacañang, ginpahayag ni Presidente Duterte nga nakabaton siya sang pasalig gikan kay San Miguel Corporation president Ramon Ang kag sa iban pa nga food conglomerates sa pungsod nga bastante ang supply sang pagkaon kag iban pa nga balaklon.
Suno kay Presidente Duterte, wala sang gutom nga matabo tubtub nga matapos ang pagpatuman sang enhanced community quarantine sa Abril 12.
Ginmandu-an man ni Presidente Duterte ang mga Punong Barangay nga siguraduhon nga may yara sang makaon ang ila constituents kag sa tion nga mapaslawan, magapangatubang sang nagakaigo nga kaso bangud sa dereliction of duty.
