ILOILO CITY – Ginakulang na ang supply sang plywood sa pila ka bahin sang Florida sa tunga sang preparasyon para sa Hurricane Irma nga natalana mag-igo sa nasambit nga estado.
Ginpahayag ni Bombo international corespondent Pam Cohen nga taga-Tubungan, Iloilo apang sa karon nagapuyo sa Fort Lauderdale, Florida nga sa pihak sang mandatory evacuation, may mga residente nga wala mag-evacuate.
Suno kay Cohen, mangin ang iya pamilya ang wala man mag-evacuate bangud kampante sila nga mapag-on ang ila balay.
Sa karon suno kay Cohen, masako ang mga taga-Florida sa pagbutang sang hurricane shutters sa ila mga puluy-an bilang proteksyon sa hangin.
Suno kay Cohen, ang mga ginapatindog nga balay ang ginapasiguro man nga makatindog sa anuman nga hurricane.
Sa Home Depot, masobra 1 million na nga plywood ang nabaligya kag wala na sang supply bangud ang mga manufacturer ang indi na makahimo sang dugang nga plywood.