ILOILO CITY- Nagreklamo ang isa ka supporter ni Iloilo City Mayor Jose Espinosa III matapos nga gindapal sang ginapahayag tiayon sang punong barangay sa Rizal Pala-Pala II, Iloilo City.
Sa interview sang Bombo Radyo kay Barangay Kagawad Gigi Balgos, iya ginpahayag nga naga house to house sa pagpangampanya si Mayor Espinosa kag sang nakalabay sila sa balay sang punong barangay, ginbugno niya ang asawa ni Punong Barangay Noel Soliman nga si Terry Soliman apang hinali lang siya nga gindapal kag ginbutong pa ang iya buhok sang asawa sang punong barangay.
Suno pa kay Balgos, wala man sila sang daan nga hiligut-anon sang asawa ni punong barangay Soliman.
Kun tani suno kay Balgos, magatotuk lang sila sa kampanya kag indi na magdangat pa sa punto sang pagsinakitanay.
Posible naman nga may kaangtanan ang insidente sa ginpagwa ni Mayor Espinosa nga may nagakatabo nga pagpangilkil sa Iloilo Terminal Market.
Nahibaluan nga nakaangkon sang bukol ang barangay kagawad bangud sa insidente.
