Ginbasura sang Supreme Court En Banc ang petisyon nga nagakwestyon sa real property tax (RPT) adjustments sang syudad sa idalom sang Iloilo City Tax Ordinance (TO) No. 2023-226.
Suno sa En Bank, napaslawan ang petitioners nga magsunod sa nagakaigo nga procedure kag pagtuman sa legal nga mga tikang.
Ang petitioners sa amo nga kaso amo sanday Atty. Teodoro B. Pison kag Atty. Rosalinda L. Pison sang Riverside Holdings Corporation, kag Riverside Boardwalk Properties Inc.
Sa desisyon nga gin-promulgate sang Enero 28, 2026, ginsiling sang Korte Suprema nga sa hurisdiksyon lang kuntani sang lower courts gindangop ang kaso.
Ini bangud nalakip sa petisyon ang mga factual issues, kalakip ang validity sang proseso sang assessment kag epekto sa ekonomiya sang revised property values nga indi na kinahanglan dal-on pa sa Korte Suprema.
Base man sa ruling, sa trial courts dapat kag indi sa Supreme Court magdangop ang mga petitioner.
Napaslawan man ang mga petitioners nga mapanginpuslan ang administratibo nga mga remedyo sa idalom sang Local Government Code, pareho sang pag-apelar sa Secretary of Justice kag pag-file sang assessment protest.
Sa bahin naman sang Iloilo City Government, ginpanindugan sini nga valid ang TO No. 2023-226 kag isa ini ka lehitimo nga paggamit sang gahum sa paghimu sang layi kag pagbuwis.
Ginhatagan man importansya sang city government nga nasunod sini ang tanan nga kinahanglanon sa proseso, kalakip na ang public consultations kag pagbalhag sang ordinansa.
Ang desisyon naman sang Korte Suprema ang nagahatagan kaathagan nga ang isa ka teknikal nga proseso ang real property valuation nga dapat nagasunod sa Republic Act No. 12001, ukon ang Real Property Valuation and Assessment Reform Act (RPVARA).
Ini nagamando sa local government units nga magsunod sa standard nga valuation rules kag ginapatuman nga guidelines.
Bangud sa pagbasura sang petisyon, ipatuman gihapon ang Iloilo City Tax Ordinance No. 2023-226.
 adjustments sang syudad sa idalom sang Iloilo City Tax Ordinance (TO) No. 2023-226.){kind=link}