ILOILO CITY – Gintawag ni Iloilo City Lone District Cong. Jerry Treñas nga ‘non-existent’ ukon himu-himu lamang ang nagguwa nga survey sa diin abanse si Iloilo City Mayor Jose Espinosa III batok sa iya.
Ini ang kasunod sang ginapahayag pagguwa sang resulta sang pinaka-ulihi nga survey sa diin 44.7% ang nagapabor kay Espinosa sa pagka-alkalde sa syudad sang Iloilo samtang 37.5% naman kay Treñas.
Sa interview sang Bombo Radyo kay Cong. Treñas, iya ginpahayag nga ‘non-existent’ ang survey firm nga nagpatigayon sang survey rason nga ‘non-existent’ man ang resulta sang survey.
Sa pagkamatuod suno kay Treñas, santo sa iya nga nahibalu-an, may yara sang manugguwa nga survey kag pat-ud nga siya naman ang abanse.
Samtang, ginatugyan na lang ni Iloilo City Mayor Jose Espinosa III sa adlaw sang eleksyon ang paghusgar.
Ginkadlawan lang ni Espinosa ang pahayag sang iya bilas tuhoy sa resulta sang survey.
Ginpahayag sang alkalde nga wala siya sang tion agud nga sapakon ang binutig nga pahayag sang mamalidha kag sa baylo, dapat na lang nga hulaton ang paghusgar sang pumuluyo sa Mayo 13 nga eleksyon.
