PAKISTAN– Ginpakigbahin sang isa ka survivor sa Pakistan Airplane crash ang iya eksperyensya sa trahedya nga natabo sa Karachi, Pakistan.
Suno kay Muhmmad Zubair, tuman ka makahaladlok ang natabo kun sa diin kalabanan sa mga sakay ang patay.
Antes ang pagtibusok, kalabanan suno kay Zubair ang nagapangamuyo sa sulod sang eroplano, mabatian man ang pagpanic kag paghibi sang mga pasahero.
Sang nagsugod na sa pagkalayo ang eroplano, gilayon niya nga ginhukas ang iya seatbelt kag naglumpat paguwa agud makaluwas sa trahedya.
Halos pulo ka tapak ang iya ginlumpat suno kay Zubair kag gilayon siya nga gindala sa hospital sang mga rescuer.
Santo sa imbestigasyon, 97 ang patay apang indi pa mahibaluan kun bala pila sa mga ini ang pasahero kag kun pila ang naulamid nga mga residente sang residential area kun sa diin natabo ang aksidente.
19 naman sa mga nagkalamatay ang positibo nga ginkilala sang ila tagsa ka pamilya.
Muhmmad Zubair- survivor
