Posible nga ma-infect sa liwat ang mga survivors sang COVID-19.
Suno kay Department of Health Undersecretary Maria Rosario Vergeire, posible nga magbalik liwat ang balatian bangud ang mga antibodies nga nahimo batuk sa virus ang indi magdugay sa lawas sang tawo.
Sa pihak sini, gin-abisuhan ni Vergeire ang publiko nga likawan ang paggamit sang termino nga “reinfection”.
Una na nga ginpahayag sang World Health Organization nga wala sang ebidensya nga ang mga nag-ayo na kag naka-produce sang antibodies batuk sa COVID-19 ang protektado sa ika-duha nga infection.
Bangud sini, ang WHO kag DOH ang nagpaandam sa mga survivors nga mangin mahinalungon sa gihapon kag i-obserba ang health protocol sa tanan nga tion.
