Kaangay sang father-and-son tandem ang natabo nga mass shooting incident sa Bondi Beach, Australia sa ginpatigayon nga Hanukkah event sang Domingo, Disyembre 14, nga nagresulta sa kamatayon sang indi magnubo sa 16 ka mga tawo.
Sa interview sang Bombo Radyo kay Denmark Suede, Bombo Correspondent sa Australia, iya ginpahayag nga ang mga suspek amo ang mag-amay nga lunsay mga Muslims, kag ginapatihan nga ang target sang pag-atake amo ang Jewish community, apang madamo nga mga sibilyan ang nasamaran, lakip na ang pila ka kabataan, nga ginbulong sa nagkalain-lain nga ospital sa lugar.
Ginakondenar sang gobyerno sang Australia ang nasambit nga insidente, pati na sang Muslim community, kag ginpahayag nga wala gid ini nagarepresentar sang ila pagtuo.
Yara na sa idalom sang kustodiya sang kapulisan ang anak nga suspek, samtang patay naman ang amay nga suspek matapos ini matiruhan sang gin-agawan sang pusil sang isa ka sibilyan, nga nahibaluan man nga isa ka Muslim.
Ini amo ang pinakaulihi nga mass shooting incident nga narecord sa Australia sa sulod sang 29 ka tuig.
Sa karon, padayon pa ang imbestigasyon sang mga otoridad agud matumod ang motibo sang krimen kag kun may iban pa nga persona nga nalakip sa insidente.
