Suspek nga naglabo-patay sa Barangay tanod sa Igbaras, napasakaan na sang kaso
Napasakaan na sang kaso ang suspek nga naglabo-patay sa isa ka barangay tanod sa Brgy. Talayatay, Igbaras, Iloilo.
Ang biktima amo si Edwin Elumba Espada, 52-anyos, panday kag Barangay Tanod sang Talayatay, Igbaras.
Samtang, ang suspek naman amo si John Ray Barison, 27-anyos kag residente man sang amo nga barangay.
Madumdoman nga samtang nagapamanday ang biktima sa balay sang ila pakaisa, gulpihada lang nga nag abot ang suspek kag ginlabo ini sa iya liog nga gintunaan sang iya kamatayon.
Nakapalagyo ang suspek apang gilayon man nga nadakpan samtang nagapaligo sa suba sakop sang Barangay Tigmarabo, Miagao, Iloilo.
Pagkatapos sini, gilayon man nga ginpasakaan sang kaso nga murder apang asta subong wala pa makaguwa ang result sang iya medical examination bangud base sa pamilya nagasuprer ini sang nervous breakdown.
Nahibaluan nga ang bangkay sang biktima ang nakahaya sa ila balay kag nakatalana nga igalubong sa Mayo 13.
