NAKHON RATCHASIMA, THAILAND – Isa ka sharpshooter ang soldado nga suspek sa pagpangluthang sang kapin 30 ka tawo sa siyudad sang Nakhon Ratchasima sa Thailand.
Ang suspek amo si Jakrapanth Thomma, 32 anyos.
Sa interview sang Bombo Radyo kay Bombo International Correspondent Cleo Rose Jondonero direkta sa Thailand, iya ginpahayag nga si Thomma ang isa ka gun enthusiast sa diin masami ini nga naga post sa social media dala ang iya armas.
Nahibaluan nga nag-ugat ang pagpangluthang patay sang suspek bangud may yara ini sang personal nga problema sa iya commanding officer nga iya man nga ginpatay.
Bangud sini, madamo sang mga ordinaryo nga tawo ang nadalahig samtang ginhimo snag suspek nga human shield ang iya mga ginpang hostage.
Gintiro pa ni Thomma ang mga Closed Circuit Television camera sa sulod sang Terminal 21 Mall agud nga indi ma detect kun diin niya gindala ang mga biktima.
Apang sang ulihe, ginsulod sang mga kaupod man niya nga militar ang Terminal 21 Mall kag may yara sang baylohanay sang lupok nga natabo sa diin napatay ang nasambit nga suspek.
