Ginalantaw sang Pavia Municipal Police Station nga gintuyo pa sang suspek nga nagtiro-patay sa pastor sa Barangay Anilao, Pavia, Iloilo nga i-mani-ubra ukon i-maneho ang salakyan sang biktima.
Ang biktima amo si Douglas Jover, 63-anyos kag residente sang Brgy. Quintin Salas, Jaro, Iloilo City.
Sa interview sang Bombo Radyo kay PLt. Gabriel Manguera, Deputy Chief of Police sang Pavia MPS, iya ginpahayag nga nagsabak pa ang suspek sa pastor agud kontani nga i-maneho ang salakyan kag magpalagyo.
Suno kay Manguera, bangud sa high tech ang hand break ang salakyan, wala natigayon ang plano sang suspek.
Gin-athag man sini nga indi makabalo ang suspek nga mag-operate rason nga nagdesisyon ini nga manaog na lang.
Naglawig naman sang tatlo ka minutos ang pagtuyo sang suspek nga i-maneho ang salakyan antes nakaguwa.
Nahibaluan nga nag-agum ang biktima sang igo sang bala ang halin sa ulo kag naglapos sa sag-ang sini nga gintunaan man sang iya kamatayon.
