Nadakpan na ang suspek nga nagtiro sang iya upod sa trabaho sa Balabag, Pavia kahapon sang aga, Hunyo 11.
Ginkilala ang suspek nga si Alyas Joem, 24-anyos, residente sang Miag-ao, Iloilo samtang ang biktima naman ang ginkilala kay alyas Wilson, 30-anyos, residente sang Janiuay, Iloilo.
Sa interview sang Bombo Radyo kay Police Major Bonifacio Alabe Jr., Officer-in-Charge sang Pavia Municipal Police Station, iya ginpahayag nga may ara sang daan nga hiligut-anon ang duwa rason kun ngaa gintiro sang suspek ang biktima.
Suno pa kay Alabe, ang suspek kag ang biktima ang naga-ubra bilang cook sa isa ka kalan-an kag lunsay nagatinir sa balay sang amo sini.
Pahayag pa Alabe, masami nga ginasunlog sang biktima ang suspek kag sang tion nga ato naimpito na ang suspek rason nga nagpauli ini sa Miag-ao kag nagkuha sang armas.
Pagbalik sa ila gina-istaran, ato na kag gintirio sang suspek ang biktima
Tatlo ka igo sang bala ang naagom sang biktima sa likod nga bahin sang ulo sini.
Naka-confine na sa karun ang biktima sa ospitaln kag natalana ang operahan.
Gin-ako naman sang suspek ang pagpangtiro kag ginpaidalum na ini sa parrafin test.
Pagapasakaan sang kaso nga frustrated murder ang suspek.
