Nadakpan na ang suspek nga nangawat ag nagpanaya sang iya pusil sa cashier sang isa ka convenience store sa Barangay Aganan, Pavia, Iloilo.
Sa interview sang Bombo Radyo kay Police Lieutenant Russel Husmalaga, imbestigador sang Pavia Municipal Police Station, iya ginpahayag nga ginkilala kag ginkumpirma sang mga biktima kag witness ang suspek nga siya ang nagpangawat sa convenience store.
Suno kay Husmalaga, may daan na ini nga mga kaso sang thief ukon pagpangawat man sa pila ka establisyemento sa Iloilo City.
Ginpahayag man sini nga naglab-ot sa P23,000 ang balor nga nakawat sang suspek sa store kag laban diri ang cash.
Nagpamalibad naman ang imbestigador nga pangalanan ang suspek, apang gintumod nga taga-syudad ini sang Iloilo.
Ginahulat naman nga magpasaka sang kaso ang mga ginbiktima sang suspek, samtang nagahimo naman sang preemptive actions ang otoridad.
