ILOILO CITY–Nadakpan na ang suspek nga brutal nga nagpatay sa isa ka manunudlo sa Passi City.
Ini matapos nga nagpaguwa sang reward money ang Local Government (LGU) sang Passi City agud nga madakpan ang suspek nga si Jun “Winwin” Aguilar.
Sa interview sang Bombo Radyo kay Passi City Mayor Jesry Palmares, iya ginpahayag nga nadakpan si Aguilar sa Brgy. Agtabo, Passi City.
Ginapahayag nga nadakpan ang suspek samtang nagalakat sa nasambit nga lugar.
Si Aguilar suno kay Palmares ang anay preso kag nangin konduktor sa de pampasahero nga jeep.
Nahibalu-an nga nakagapos, may mga patal nga pilas tuga sang pagkalapmpos, hublas, nakabaklid kag ginhimuslan pa ang biktima nga si Ma. Corazon Tionson, grade 3 teacher, sang Brgy. Gemumua Agahon Passi City.
Si Tionson ang nasapwan nga patay sa sulod sang iya balay.
Magluwas sa pagpatay sa biktima, ginapahayag nga ginkawatan pa sang suspek ang biktima.