MINA, ILOILO– Padayun nga ginapangita sang mga otoridad ang suspek nga nagbuno-patay sa isa ka lalaki, sa barangay Bangac, Mina, Iloilo.
Ang biktima amo sanday Jake Mestidio 28 anyos kag Joven Pangantihon, 20 anyos, pareho nga residente sang nasambit nga lugar.
Sa interview sang Bombo Radyo kay Police Chief Master Sergeant Joel Flores, Officer in charge sang Mina Municipal Police Station, iya ginpahayag nga samtang nagasakay sa motorsiklo ang suspek, gulpi lang ini nga ginlambatan sang duha ka mga biktima, nga ginapahayag naka-inom.
Suno kay Flores, may nagluntad pa nga komusyon, antes natabo ang pagpangbuno.
Pilas sa dughan kag tyan ang naagom ni Mestidio nga gintunaan sang iya kamatayon, samtang gindala naman sa hospital si Pangantihon agud madapatan sang pagbulong, bangud sa iya mga pilas.
Magapangatubang naman sang kaso nga homicide ang suspek sa tion nga madakpan.
