JANIUAY, ILOILO – Rape by carnal knowledge with homicide ang ginpasaka nga kaso batok sa suspek sa paghimulos-patay sa 19 anyos nga dalagita sa Brgy. Abangay, Janiuay, Iloilo.
Sa interview sang Bombo Radyo kay Police Captain Dadje Delima, hepe sang Janiuay Municipal Police Station, iya ginpahayag nga madamo ang rekisitos sa pagpasaka sang kaso batok sa suspek nga si Rhegie Levoit Sr.
Suno kay Delima, lakip sa mga rekisitos amo ang sworn affidavit sang amay kag kahagugma sang biktima, judicial affidavit of confession sang 14 anyos nga anak sang suspek kag sang imbestigador sang Janiuay Municipal Police Station, police blotter, certificate of discernment gikan sa Department of Social Welfare and Development, autopsy report, laragway nga kuha sa crime scene, mga ebidensya, recoveries kag death certificate.
Ginpahayag ni Delima nga ang rape by carnal knowldege with homicide ang may yara sang mabug-at nga silot kasubong sang death penalty.
Kabahin sa mga nagserbe nga witness amo ang amay kag kahagugma sang biktima lakip na ang menor de edad nga anak sang suspek nga nangin kabahin man sang krimen.
Ang menor de edad ang yara na sa subong sa kustodiya sang Department of Social Welfare and Development.
