ILOILO CITY – Ginpasakaan na sang kaso nga rape kag sexual assault ang suspek sa pag-abduct kag paghimulos sa pito ka tuig nga bata sa Barangay Parara Norte, Tigbauan, Iloilo.
Nagapabilin sa kustodiya sang kapulisan ang suspek nga si Noel Salarda, 31, samtang ginahulat ang mangin desisyon sang korte.
Sa exclusive interview sang Bombo Radyo Iloilo, nagahinulsol nga nagpangayo sang pasaylo ang suspek sa biktima kag sa mga ginikanan sang bata.
Suno kay Salarda, nahimo lang sini ang krimen bangud sa kahulugbon.
Gin-ako sang suspek nga ginpilit niya ang biktima nga mag-oral sex pero ginpanginwala nga iya ini ginhimuslan.
Nahibaluan nga nagakatulog ang biktima sang ginsulod ni Salarda ang puluy-an sang pamilya kag gin-abduct ang bata kag gindala sa suba kun sa diin niya ini ginhimuslan.