PAVIA, ILOILO – Padayon pa nga ginapangita sang otoridad ang suspek sa pagluthang-patay sa gwardya sa NIA Road, Balabag, Pavia, Iloilo.
Ang biktima amo si Martin Alvarez sang Dumarao, Capiz kag security guard sa Parc Regency sa Balabag, Pavia, Iloilo.
Sa exclusive interview sang Bombo Radyo kay Police Senior Master Sgt. Geoffrey Obaob, imbestigador sang Pavia Municipal Police Station, iya ginpahayag nga santo pag pangusisa, ang biktima ang nagasakay sa motorsiklo kag pauli na sa iya boarding house sang ginbantayan sang isa sa mga suspek.
Suno kay Obaob, nag-angkon sang tatlo ka mga igo sa lawas kag ulo ang biktima nga gintunaan sang iya kamatayon.
Nakit-an sa crime scene ang tatlo ka empty shells sang .45 caliber pistol.
Gilayon naman nga nagpalagyo ang suspek sa wala nahibaluan nga lugar matapos ang insidente.
