DUMANGAS, ILOILO– Nagapabilin nga at-large ang suspek nga nagluthang patay sa isa ka lalaki sa Brgy. Calao, Dumangas, Iloilo.
Ang biktima amo si Rhodelyn Doloritos Jr., 36, residente sang Sapao, Dumangas, Iloilo.
Sa interview sang Bombo Radyo kay Police Corporal Terenz John Soria, imbestigador sang Dumangas Municipal Police Station, iya ginpahayag nga may komosyon nga natabo sa tunga sang biktima kag suspetsado sa sulod sang isa ka namatyan.
Sang nagpauli na ang biktima, ginsundan ini sang suspetsado kag ginluthang.
Igo sa tuo nga dughan kag kamot ang naagom sang biktima nga gintunaan sang iya kamatayon.
Wala pa matumod ang pusil nga gin-gamit sa pagpangluthang.
Nahibaluan nga hubog ang biktima kag suspek sa diin ginapatihan nga away sa sugalan sa namatyan ang ginatan- aw nga rason sang krimen.
