Suspek sa pagluthang patay sa Leganes, Iloilo, nagapabilin nga at large

Leganes, Iloilo – Nagapabilin nga at large ang suspek sa pagluthang patay sang isa ka lalaki sa KTV bar sa Barangay Cagamutan Sur, Leganes, Iloilo.

Ang biktima amo si Cyril Dela Torre, 50, sang Barangay Pagdugue Dumangas, Iloilo.

Ang suspek naman amo si Carlos Hechanova, 47, sang Barangay Paho, Zarraga , Iloilo.

Pilason naman ang hinabos sang biktima nga si Noel Dela Torre, 32, residente man sang Barangay Pagdugue Dumangas, Iloilo kag ang cashier sang KTV bar nga si Ezra Prudente sang Barangay Tabucan, Dumangas Iloilo

Sa interview sang Bombo Radyo kay PLT John Petate, officer-in-charge sang Leganes Municipal Police Station, iya ginpahayag nga matapos ang krimen, gilayon nga nagpalagyo ang suspek.

Magapangatubang naman ang suspek sang kaso nga homicide kag 2 counts of frustrated homicide.