ILOILO CITY- Padayon pa nga ginaayam sang otoridad ang suspek sa natabo nga pagpangluthang sa Cahigon, Calinog, Iloilo kadungan sang eleksyon kahapon nga adlaw kun sa diin nagginamo ang supporters sang duha ka nagpadalagan sa pagkakapitan.
Ang duha ka nagpadalagan sa pagkakapitan amo sanday Jinky Caras Lumogdang kag Hilda Francisco Bataten.
Ang biktima amo si Eduardo Leysa nga supporter ni Caras Lomugdang samtang ang suspek naman amo si Larry Catolin nga utod ni Reynaldo Catolin nga nagpadalagan kagawad kag nagasuporta kay Bataten.
Sa interview sang Bombo Radyo kay PMaj Myles Dieron, hepe sang Calinog Municipal Police Station, iya ginpahayag nga sa subong, nakaalerto sa gihapon ang mga katapo sang kapulisan agud indi masundan ang natabo samtang at-large ang suspek.
Samtang, sa pihak sang natabo, ginproklamar naman si Jinky Caras Lomugdang bilang nagdaug matapos nakakuha sang 498 nga total votes nagikan sa lima ka clustered precints samtang 410 ka boto naman ang nakuha nga boto ni Bataten.
