𝗜𝗟𝗢𝗜𝗟𝗢 – Preso na ang suspek nga nagpatay kay Barangay Kagawad Jobanie Triste sang San Rafael, Tigbauan, Iloilo.
Ini amo si John Castro Jr., residente sang nasambit nga lugar.
Sa interview sang Bombo Radyo kay Police Captain Alfred Mansoy, hepe sang Tigbauan Municipal Police Station, iya ginpahayag nga nagsungka si Castro subong nga adlaw.
Suno kay Mansoy, nakagwa na ang warrant of arrest ni Castro sa kaso nga murder rason nga nagpabutyag ini nga magsungka.
Diri kag ginpadulungan nila si Castro sa Brgy. Bagumbayan, Tigbauan, Iloilo kag gindala sa police station.
Gin-ako naman ni Castro ang krimen, apang nagdepensa ini nga gin-unahan lang niya si Triste bangud may plano man ini nga patyon siya.
Matandaan nga ang armas nga gingamit ni Castro sa pagpatay kay Triste ang ginapanag-iyahan ni AAMBIS-OWWA Party-list Representative Atty. Lex Colada.
