DINGLE,ILOILO– Patay ang most wanted nga suspek sa pagluthang-patay sa anay alkalde sang Pulupandan, Negros Occidental matapos magbato sa mga otoridad sang ginserbihan sang warrant of arrest sa Tambunac,Dingle, Iloilo.
Ini ang ginkilala nga si Ramy Inojo,legal ang edad kag amo ang ginatudlo nga suspek sa pagpatay kay anay Mayor Luis Mondia Jr. sa compound sang Jaro Metropolitan Cathedral sa Jaro, Iloilo City sang Pebrero 17, 2010.
Sa exclusive interview sang Bombo Radyo Iloilo kay Police Captain Fernando Punzalan, hepe sang Dingle Municipal Police Station, iya ginpahayag nga gintuyo nga palukpan ni Inojo ang mga pulis gamit ang .38 caliber revolver kag gintuyo pa nga maghaboy sang granada.
Diri na kag gintiro ini sang mga pulis sang apat ka beses sa iya lawas nga nangin kabangdanan sang iya kamatayon.
Nahibaluan nga narekober man sa posisyon ni Inojo ang isa ka 12 gauge shotgun.
