MIAGAO, ILOILO – Padayun nga nagapangita sang testigo ang otoridad tuhoy sa pagpatay sa isa ka lalaki sa Brgy. Cubay Tacas, Miagao, Iloilo.
Sa interview sang Bombo Radyo kat Police Corporal Deogracias Nobleza, imbestigador sang Miagao Municipal Police Station, iya ginpahayag nga padayun ang ila pagpangita sang dugang nga mga witness sa kamatayon ni Ergardo Ardagon, sang Brgy. Banbanan, Miagao, Iloilo.
Suno kay Nobleza, gin-istorya man nila ang ginatudlo person of interest apang ginpanginwala man sini ang krimen.
Ginahulat na lang nila suno sa natungdan ang mangin desisyon sang pamilya pagkatapos sang lubong kun magapasaka pa sila sang kaso.
Kun indi naman desidido ang pamilya, sila mismo sa Miagao PNP suno kay Nobleza ang magapasaka sang kaso.
Ang gintudlo nga person of interest suno kay Nobleza ang ulihi nga naka-upod sang biktima samtang ang pahayag sang naga-isahanon nga witness ang makabig nga circumstantial.
