Suspek sa pagpatay sang isa ka Punong Barangay sa Iloilo, mataas nga lider sang NPA

ILOILO CITY – Natumod na sang Iloilo Provincial Police Office (IPPO) ang matuod-tuod nga pagkatawo sang isa sa mga suspetsado nga nagluthang patay kay Punong Barangay Eustaquio Porras sang Lonoy, Calinog, Iloilo.
Sa interview sang Bombo Radyo kay IPPO Director PSSupt Marlon Tayaba, iya ginpahayag nga ang matu-od nga pangalan sang nagpakilala nag si Vincent Faduga amo si Ronald Llupar, 34 anyos, sang Brgy. Bag-ong Bario, Tapaz, Capiz.
Ginpahayag pa sang IPPO Director nga si Llupar ang active member sang New Peoples army (NPA).
Santo sa ila nga pagpangusisa, si Llupar ang Vice Commanding Officer sang NPA sa Central Front Committee nga naga-operate sa Iloilo kag Capiz.
Siya man ang Squad Leader sang Squad 3 Baloy Platoon sang Partisan Unit sang rebelde nga grupo.
Kadungan sang iya pagka-confine sa hospital, ginserbehan sang warrant of arrest si Llupar sa kaso nga rebellion kag murder.