Suspek sa pagpatay sang masahista sa lodging house, natumod na sang mga kapulisan

Mandurriao, Iloilo City – May yara na sang natumod nga suspek ang Iloilo City Police Office sa pagpatay sang massage therapist sa Queens Court Inn, Barangay Bolilao, Mandurriao, Iloilo City.

Ang biktima amo si Christine Gabayeron, 38, temporaryo nga nagatinir sa syudad sang Iloilo apang residente sang Barangay Bacjawan Sur, Concepcion, Iloilo.

Sa interview sang Bombo Radyo kay Pol. Lt. Joebert Amado, deputy station commander sang Mandurriao Police Station, iya ginpahayag nga posible nga yara lang sa palibot sang distrito sang Mandurriao ang suspek base sa mga impormasyon nga ila nabaton matapos nakit-an sa footage sang closed circuit television ang nawong sini.

Suno kay Amado, may yara sang reward money nga P10,000 nga nakapatong sa ulo sang suspek pinaagi kay Mandurriao Police Station officer-in-charge Police Lieutenant Colonel Albert Sy.

Nakahanda naman ang Mandurriao Police Station nga batunon ang suspek sa tion nga ini ang magsungka.