Ginkumpirma sang San Francisco District Attorney’s office nga napasakaan na sang kaso nga murder ang lalaki nga nagtiklod sa isa ka Pinay sa estasyon sang tren sa California, USA nga nangin rason sang iya kamatayon.
“Mr. Belmont is charged with one count of murder. Mr. Belmont is scheduled to be arraigned on July 5,” post sang opisina sa X.
Ang biktima sa amo nga insidente amo si Corazon Dandan, 74, naga-trabaho bilang isa ka telephone operator sa Parc 55 Hotel sa Union Square.
Ginapahayag nga natapos na ang iya shift kag manugpauli na kuntani ini sa Daly City sang natabo ang insidente sang nagligad nga Lunes sang gab-i, Hulyo 1. Samtang ginahulat sini ang tren sa Powell street BART Station, didto na kag ginhimo sang suspek ang krimen.
Ginkilala ang suspek nga si Trevor Belmont, 49, kilala man bilang si Hoak Taing, ang ginlaragway nga isa ka “transient.”
Nagpaguwa man sang statement si San Francisco District Attorney Brooke Jenkins agud nga ikondena ang krimen.
“The nature of this incident at Powell Street BART Station was tragic and truly shocking. I would like to express my deepest condolences to the victim’s family, friends and colleagues. Unprovoked attacks, especially on our most vulnerable, are unacceptable and will not be tolerated,” pahayag sini.
“San Francisco residents, workers, and visitors should be able to freely move about and utilize our public transportation systems without fear. My office will now do everything in our power to ensure that there is justice in this case.”
Si Dandan ang nag-migrate sa San Francisco sang 1980s, wala sang kaugalingon nga kabataan, apang nagabulig ini sa pagpa-eskwela sang iya nga mga hinablos.
