ILOILO CITY – Indi big deal sa Kamara ang suspension sang Ombudsman kay ILoilo City Rep. Jerry Treñas bangud sang kaso nga graft.
Sa interview sang Bombo Radyo Iloilo, ginpahayag ni House Speaker Pantaleon Alvarez, malip-ot lang ang 90 diyas.
Bisan indi na mag-appoint suno kay Alvarez sang caretaker para sa siyudad sang Iloilo.
Apang una na gindesignar sang manubo nga panalgan sang Kongres si Iloilo Third District Rep. Arthur Defensor Jr. nga mangin caretaker sang Iloilo City samtang suspendido si Treñas.
Dugang pa ni Alvarez, sa Marso pa magasugod ang deliberasyon sang pila ka importante nga hagna kag timing lang ini nga tapos naman ang suspension ni Treñas.