Ginpanginawala sang Sweden nga kabahin sila sa mga pungsod sa Europa nga gintumod sang World Health Organization nga may pagtaas liwat sang kaso sang Coronavirus Disease 2019.
Suno kay Swedish state epidemiology Angers Tegnell, indi bastante ang data nga ginakaptan sang WHO agud i-lakip ang Sweden sa mga pungsod nga may mataas nga kaso sang COVID-19.
Dugang pa niya, nag taas ang kaso sang COVID-19 bangud madamo ang ginpa-idalom sa testing.
Una na nga ginpahayag ni WHO Regional Director Hans Henri Kluge nga lakip ang Sweden bilang European Union member state nga may yara sang 155 infections sa 100,000 inhabitants sang nakaligad nga 14 ka adlaw.
Kaupod sang Sweden nga may pagtaas sang kaso sang virus amo ang Moldova, North Macedonia, Albania, Bosnia-Herzegovina, Ukraine, Kosovo, Armenia, Azerbaijan kag Central Asian states of Kyrgyzstan and Kazakhstan.
