Indi na pagbuhinan sang Philhealth Premium contribution ang sweldo sang mga kwalipikado nga solo parents nga nagatrabaho sa gobyerno ukon pribado nga sector sugod subong nga bulan sang Oktubre.
Sa interview sang Bombo Radyo kay Janimhe Jalbuna, Public Relations sang Philhealth Western Visayas-Public Affairs Unit, iya ginpahayag nga National Government na mismo ang magasabat sang kontribusyon sang qualified solo parent employees.
Base ini sa Philhealth Circular No. 2026-0015 sa idalom sang Republic Act No. 11861 ukon Expanded Solo Parents Welfare Act.
Mahimo man nga makabenepisyo ang mga solo parents sang Yaman ng Kalusugan Program (YAKAP) kag Guaranteed and Accessible Medications for Outpatient Treatment ukon Gamot Program.
Kabahin sa mga kwalipikado amo ang solo parents nga nagaisahanon na lang nga naga-atipan sang ila kabataan, indibidwal nga nagaserbe bilang legal guardian sang isa ka bata, kag mga balo.
