Wala na nakasulod sa Top 10 sang Association of Tennis Professionals (ATP) ranking si Swiss tennis star Roger Federer.
Ini bangud wala na nakahampang humalin sang Hulyo ang 40 anyos nga si Federer bangud sa injury matapos ginpyerde siya sa Wimbledon quarterfinals ni Hubert Hurkacz sang Poland .
Nagsaka naman ang pwesto sang bag-o nga Indian Wells champion nga si Cameron Norrie sang Britain nga yara na sa rank 15 matapos ginlutos si Nikoloz Basilashvilli sang Georgia.
Nanaog man ang rank ni British tennis player Andy Murray nga sadto yara sa rank 51 apang sa subong, yara na lang siya sa rank 172.
Ang nagapanguna sa puwesto amo si Serbian Novak Djokovic nga ginasundan ni Daniil Medvedev sang Russia, Stefanos Tsitsipas sang Greece, Alexander Zverev sang Germany kag Rafael Nadal sang Spain sa ika-lima nga pwesto.
