Nagtaas sa masobra 22.6 ka porsyento ang numero sang mga pamilya nga Pilipino nga nakabatyag sang involuntary nga kagutom, kun sa diin nalabawan pa sini ang sitwasyon sang panahon sang COVID-19 pandemic.
Sandig ini sa pinakaulihi nga survey sang Social Weather Stations (SWS) sang Septyembre.
Nagtaas sang masobra sa 2.3 ka percentage points ang hunger rate kumpara sa 20.3 nga porsyento sang Hunyo.
Nagtaas naman sa 6.4% ang nakabatyag sang “malala nga kagutom” halin 4.5% sang Hunyo.
Sa Luzon, nagtaas ang kagutom sa 23.6%, samtang nagpanaog naman sang masobra 16% sa Central Visayas.
Wala naman sang pagbag-o sa record sa Southern Mindanao kun sa diin nagpabilin ini sa 23.7 porsyento.
Ginapatigayon ang face to face survey sa 1,500 ka adult nga Filipino gikan sa Septyembre 21-27.
By: Bombo Kenea Hope Dellaba
