Mangin isa pilot area sang testing sang Voters Registration Verification Machine Mangin pilot area sang testing sang Voters Registration Verification Machine (VRVM) ang syudad kag probinsya sang Iloilo.Sa interview sang Bombo Radyo kay Mr. Jonathan Sayno, Election assistant sa City Comelec Office iya ginpahayag nga iga-introduce sa mga botante ang VRVM nga gamitun sa maabot nga May 13 midterm elections.
Suno kay Sayno, ang nasambit nga machine ang maga-verify sang fingerprint kun bala registed voter sang partikular nga precinct ang isa ka botante.Ini man suno kay Sayno ang pamaagi agud man malikawan ang pagduging sang mga flying voters.
Apisar may yara sang VRVM, lantawun man sa gihapon sang mga botante ang ila pangalan sa listahan nga nakapaskil sa guwa sang mga presinto kag tandaan ang ila voters number. Duha naman ka linya ang linyahan sang botante, ang una amo ang sa VRVM kag kun mahatagan na sang resibo magalinya sa ikaduha nga line agud magkuha sang balota.
Samtang, ginpahayag man ni Sayno nga nagapadayun ang ila Operation baklas tagsa ka semana sa mga illegaly posted nga mga posters sang mga kandidato.Gin-athag man sang natungdan nga ginadumilian ang mga kandidato nga magpatigayun sang exposure sa mga programa sang gobyerno kaangay sang pagpanagtag sang bulig sa mga biktima sang ano man nga emerhensya.
