ILOILO CITY- May ginaduso nga bag-o nga ruta kag extension sang ruta ang Public Safety and Transportation Management Office.
Sa interview sang Bombo Radyo kay Mr. Jeck Conlu, pinuno sang nasambit nga talatapan, iya ginpahayag nga ini agud ma-akomodar ang demand sa mass transport kag agud nga ma-akomodar ang ginalauman nga mataas nga numero sang mga call center agents sang mga Business process Outsourcing companies nga magadamo pa gid sa syudad.
Suno kay Mr Jeck Conlu, lakip sa mga bag-uhon nga mga ruta base sa traffic plan sang syudad amo ang Calumpang nga tunga-on sa duha ka mga ruta-ang Calumpang- City Proper kag Calumpang- Diversion Road.
Ang Sm City Proper nga ruta naman ang iga- extend tubtob sa Megaworld Area.
May yara man sang extensions nga himuon sa Oton,Molo Leganes,, kag CPU-Ungka nga mga jeep.
Dugang pa ni Conlu, maga-agi pa ini sa husto nga proseso sa committee hearing kag antes pasaran sang ordinansa, magapatigayon anay sang ekspermentasyon agud mahibaluan kun ano ang mga bentaha kag disbentaha sang plano.
