ILOILO CITY- Nag-gamay ang nahakot nga mga basura sang syudad gikan sa mga vendors sa Iloilo Terminal Market kasunod sang pagsug-alaw sang bag-ong tuig.
Sa interview sang Bombo Radyo kay Engr. Neil Ravena, Assistant Department Head sang General Services Office, iya ginpahayag nga subong nga tuig, pito ka trucks sang basura ang ila nahakot nga mas manubo sa 10 ka trucks sang Enero 1 2021.
Apang suno sa natungdan, pangabayon sini ang mga vendors nga mangin responsable sa ila mga basura ilabi na ang mga nagaplastar sa peripheral sang merkado.
Plano man sini nga mag-provide na lang sang mga containers para may butangan ang mga vendors sang ila basura agud indi na maglinapta.
