ILOILO CITY – Nagpaathag ang Public Safety and Transportation Management Office (PSTMO) nga may lima ka decibel meters nga ginagamit ang syudad agud nga mapatuman sang maayo ang Anti-Modified Muffler Ordinance.
Ang decibel meter amo ang measuring instrument nga makatumod sa kagahudon ukon sa sound levels paagi sa pag-measure sang sound pressure.
Sa interview sang Bombo Radyo kay PSTMO Head Mr. Jeck Conlu, iya ginpahayag nga mismo si Mayor Jerry Tre�as ang nagbakal sini nga device kag ginalauman nga madugangan pa ini nga equipment.
Suno kay Conlu, pwede man nga ipahulam sang PSTMO ang decibel meter sa Iloilo City Police Office (ICPO) bangud wala sila sang ginagamit nga amo sini nga device.
Gin-ako man ni Conlu nga nag-slow down na ang implementasyon sang Anti-Modified Muffler Ordinance sa syudad bangud sang pandemya.
Samtang, sa interview sang Bombo Radyo kay Pol. Lt. Col. Jonathan Pinuela, chief sang Mobile Patrol Unit sang ICPO, iya ginpahayag nga 61 na ang nakumpiska nga modified mufflers sa syudad.
Natipon ini nga mga magahod nga tambutso halin sang Mayo 26 subong nga tuig.
Suno kay Pinuela, kun madakpan ang driver nga may yara sang modified muffler, idagdag ang multa nga P5,000 kag ikumpiska pa ang tambutso.
Indi lang motorsiklo ang gina-check sang ICPO kundi pati na ang four-wheeled vehicles.
Nagpaandam man si Pinuela nga sustained operation ini kag indi one-time, big-time gani nga dapat magsunod gid ang mga motorista sa husto nga protocol.
