Magapadala sang letter of appeal ang syudad sang Iloilo sa Inter-Agency Task Force for the Management of Emerging Infectious Diseases (IATF) agud pahalugan ang quarantine status sang syudad.
Sa interview sang Bombo Radyo kay Iloilo City Mayor Jerry Treñas, iya ginpahayag nga maga-apelar siya sa IATF nga ipaidalom na lamang sa General Community Quarantine (GCQ) status ang syudad.
Suno kay Treñas, ini ang kasunod sang pag-amat-amat na pagnubo sang kaso sang COVID-19 sa syudad.
Pahayag sang alkalde, nagapasalig siya sa IATF nga apisar pahalugan ang quarantine status sang syudad, i-heightened ukon ipatuman sa gihapon ang istrikto nga mga pagsulundan.
Sa tion nga mapahanugutan suno kay Treñas nga mapaidalom ang syudad sa GCQ status, pahanugutan na ang pagbukas sang iban pa nga non-essential establishments kag negosyo.
