Ginahulat na lamang sa syudad sang Iloilo ang direktiba nagikan sa Department of Health may kaangtanan sa pagpatuman sang bag-o nga protocol sang Inter-Agency Task Force for the Management of Emerging Infectious Diseases (IATF-EID).
Nahibaluan nga nasaad sa Resolution No. 124-5 sang IATF nga ang mga fully vaccinated nga indibidwal ang kinahanglan na lang nga magpakita sang ila vaccination card para sa interzonal travel kag intrazonal movement.
Buot silingon, indi na kinahanglan pa nga magpakita sang negative nga swab test results ang mga fully vaccinated individuals sa pagtravel sang mga ini sa diin man nga bahin sang Pilipinas.
Ang mga fully vaccinated nga indibidwal ang kinahanglan nga nabakunahan sang mganalakip sa listahan sang Emergency Use Authorization (EUA) ukon Compassionate Special Permit (CSP) nga gin-isyu sang Food and Drug Administration ukon Emergency Use Listing sang World Health Organization (WHO).
Sa interview sang Bombo Radyo kay Iloilo City Mayor Jerry Treñas, iya ginpahayag nga magasunod ang syudad sa mando sang national government.
Suno kayTreñas, sa tion nga makapadala na sang advisory ang DOH sa syudad angot sa nasambit nga pagsulundan, gilayon nga magabalay ang alkalde sang executive order.
Sa subong suno sa alkalde, ‘as is’ anay ang pagsulundan sang syudad may kaangtanan sa pagbyahe.
