ILOILO CITY–Naka-alerto ang syudad sang Iloilo kasunod sang pagpamomba sa Isulan, Sultan Kudarat.
Sa interview sang Bombo Radyo kay Iloilo City Mayor Jose Espinosa III, iya ginpahayag nga ginmanduan na niya si Iloilo City Police Office (ICPO) Dir. Police Senior Superintendent Henry Biñas nga hugtan ang seguridad sa syudad.
Mangin sa mga pantalan suno sa alkalde,ginpabantayan man agud indi malutsan sang mga bomba.
Suno kay Espinosa, Agusto 28 pa lang nga amo ang una nga adlaw nga ginpalukpan ang Isulan, Sultan Kudarat, nagmando na siya sa mga otoridad nga mag-aligmat.
Nagpanawagan man ang alkalde sa mga pumuluyo nga kun may makita nga makaduluda nga mga bagahe, gilayon ini nga i-report sa mga otoridad.