Nalab-ot na sang syudad sang Iloilo ang pinakamaataas nga rekord sang COVID-19 cases.
Sa interview sang Bombo Radyo kay Iloilo City Mayor Jerry Treรฑas, iya ginpahayag nga nagsaka sa 64 ang kaso sang COVID-19 kahapon, Mayo 18 sa diin ini na ang pinakamataas nga narekord nga tally sa sulod lamang sang isa ka adlaw sa bug-os sini nga 2021.
Suno kay Treรฑas, makahalangawa na ang pagsaka sang COVID-19 cases sa syudad sa diin halos indi na makabaton ang mga ospital sang pasyente.
Bangud sini, hugot nga ginapanugyanan sang alkalde ang publiko nga istrikto nga sundon ang tanan nga health protocols kaangay sang paghugas sang mga kamot, pagsuksok sang face mask kag face shield, kag pagsunod sa physical distancing.
Abiso ni Treรฑas sa mga naga-edad 65 pataas kag 18 panubo, pakamaayuhon nga indi na lamang magwa sa mga balay agud malikawan nga malatnan sa COVID-19.
Samtang, nagapati ang alkalde sang syudad sang Iloilo nga nagakadapat bakunahan na ang economic frontliners.
Suno kay Treรฑas, bangud sini, nagapangayo na siya sa National Government sang dugang pa nga COVID-19 vaccines bangud manug-ubos na ang tanan nga gindonar nga bakuna sa syudad.
Ginpahayag sang alkalde nga ang economic frontliners nga nalakip sa A4 priority group amo ang kalaban mga drivers kag vendors sang sidewalk kag market nga masami ginaatubang sang kadam-an sa tion nga magwa sa mga balay.
Nagapakig-angot man si Treรฑas sa mga business sector sang syudad agud nga ma-amat-amat na bakunahan ang mga empleyado nga nagarisgo sa pagwa sa balay agud magtrabaho para sa tagsa ka pamilya sa tunga sang nagapadayon nga pandemya.
Matandaan nga base sa Inter-Agency Task Force, yari ang kompleto nga lista sang economic frontliners nga nalakip sa latest A4 priority group para sa COVID-19 vaccination:
- Commuter transport (land, air, and sea), lakip na ang logistics;
- Public and private wet and dry market vendors;
- Frontline workers sa groceries, supermarkets, delivery services;
- Workers in manufacturing for food, beverage, medical and pharmaceutical products;
- Frontline workers in food retail, lakip na sa food service delivery;
- Frontline workers in private and government financial services;
- Frontline workers in hotels and accommodation establishments;
- Mga pari, rabbis, imams, kag iban pa nga religious leaders;
- Security guards ukon personnel assigned sa mga opisina, agencies, kag organizations identified sa lista sang priority industries ukon sectors;
- Frontline workers sa private kag government news media;
- Customer-facing personnel of telecoms, cable kag internet service providers, electricity distribution, kag water distribution utilities;
- Frontline personnel in basic education and higher education institutions and agencies;
- Overseas Filipino workers, lakip na ang mga scheduled for deployment within two months;
- Frontline workers in law ukon justice, security, kag social protection sectors;
- Frontline government workers nga kabahin sang operations sang government transport system, quarantine inspection;
- Worker safety inspection kag iban pa nga COVID-19 response activities;
- Frontline government workers nga in charge sang tax collection, assessment of businesses for incentives, election, national ID, data collection personnel;
- Diplomatic community kag DFA personnel sa consular operations; kag
- DPWH personnel nga in charge sang monitoring sa government infrastructure projects
