Kumpirmado na nga magapatigayon ang Association of Southeast Asian Nations (ASEAN) sang ministerial kag senior meeting sa Syudad sang Iloilo subong nga tuig.
Sa interview sang Bombo Radyo kay City tourism officer Junel Ann P. Divinagracia, ginpahayag sini nga lima ka mga meetings sa ASEAN ang patigayunon sa Syudad.
Ini nga pagsinapol ang tambungan sang 10 member-countries nga ginalakipan sang Brunei Darussalam, Cambodia, Indonesia, Laos, Malaysia, Myanmar, Singapore, Thailand, Vietnam kag Pilipinas.
Isa sa mga mangin venue sang kahiwatan ang Iloilo Convention Center (Icon).
Ginabanta kapin sa 1,000 ang mga delegado nga magatambong sa ASEAN meeting.
