Wala nakahibalo si Punong Barangay Joseph Poral sang Tacas, Jaro, Iloilo City kun san-o umpisahan ang pagpatukod sang mga proyekto nga ginpain gamit ang P20 million nga ginhatag sang National Task Force to End Local Communist Armed Conflict (NTF-ELCAC).
Sa interview sang Bombo Radyo kay Poral, iya ginpahayag nga ginpahat-pahat na ang kwarta para sa mga proyekto sang barangay lakip na diri ang pag-renovate sang health center, pagbutang sang alagyan sa isa ka subdivisiion, pagpatukod sang banyo sa Uswag gym kag pagbutang sang solar panel.
Wala man natu-ad sang punong barangay kun bala nabuhinan ang ila nga pondo para sa COVID-19 vaccines sang syudad.
Dugang pa sang natungdan, wala siya sang ideya kun bala yara na gid man ang kwarta sa City Government apang ginapa-comply na sila sang mga requirements nga kinahanglanon.
