Nagapati ang tag iya sa boarding house nga ginatiniran sang security guard nga nasapwan patay sa iya kwarto sa Brgy. Nonoy, City Proper, Iloilo City nga wala sang foul play sa natabo nga kamatayon sini.
Sa interview sang Bombo Radyo kay Alyas Nonoy, tag iya sang boarding house, iya ginpahayag nga Pebrero 6 ang adlaw sang ulihi nila nga nakita ang indibidwal kun sa diin pakadto na ini sa iya nga obra bilang isa ka security guard sa Aldeguer St., City Proper.
Suno sa iya, natingala ang iya mga kaupod sa boarding house nga wala nakapanaog ang nasambit nga security guard rason nga nanawag ang mga ini sa iya kwarto.
Matapos nila nga ginbuksan ang pwertahan, nakit-an sang mga ini ang lalaki nga wala nagapungko kag wala na sang kabuhi.
Pahayag man ni alyas Nonoy nga wala man sya nakahibalo kun nagasusprer ini sa isa ka sakit.
Nagapati man ini nga natural death ang rason sang kamatayon sang security guard kag wala sang foul play nga natabo.
