Tag-iya sang factory sa Bangladesh, arestado sa kaso nga murder kasunod sang pagkapatay sang 52 ka tawo bangud sa sunog

Arestado ang tag-iya sang factory kag pito ka iban pa matapos napatay ang 52 ka mga tawo bangud sa sunog sa Bangladesh.

Apat sa mga kabataan sang tag-iya ang nalakip sa ginpreso kag ginpasakaan sang kaso nga murder.

Ginapahayag nga may mga kabataan pa nga nagatrabaho sa amo nga factory kag ini subong ang separado nga gina-imbestigahan.

Suno sa Emergency services, 49 ka mga lawas sang tawo ang narecover sa Hashem Food and Beverage factory samtang tatlo naman ka tawo ang napatay matapos naglumpat sa building.

Suno kay Jayedul Alam, police chief sa Narayanganj district kun sa diin nahamtang ang factory, ang entrance ang naka-padlocked sang tion sang sunog kag madamo ang mga nalapas nga fire kag safety regulations ang nasambit nga factory.

Mangin ang exit door sang factory ang naka-padlocked man.

Madamo sang mga highly flammable chemicals kag plastics ang nakabutang sa building nga nangin tunaan man sang tuman nga pag-igrab sang kalayo.

Natigayon naman nga marescue ang 25 ka mga tawo apang madamo pa ang nagapabilin nga missing.