CABATUAN, ILOILO – Ginkumpirma sang mga otoridad nga wala nila makit-an sa balay sang tag-iya ang maroon nga pick-up truck nga ginapahayag gingamit sa abduction nga natabo sa Delgado Street, Calinog, Iloilo.
Sa interview naman sang Bombo Radyo kay Police Captain Dionisio Estacio, hepe sang Cabatuan Municipal Police Station, iya ginpahayag nga ginpadulungan nila ang balay sang tag-iya sang pick-up truck.
Apang natukiban nila nga yara sa luwas sang pungsod ang tag-iya nga isa ka seafarer sa diin nagabakasyon ini kaupod ang iya pamilya.
Suno kay Estacio, santo sa ila nakuha nga impormasyon, ginpakay-o, ginabaligya ukon nabaligya na ang nasambit nga salakyan.
Ang mga ini nga impormasyon suno sa hepe ang padayon pa nila nga ginatipon agud makabulig sa pagsolbar sa insidente.
