𝗜𝗟𝗢𝗜𝗟𝗢 𝗖𝗜𝗧𝗬 — Daw gintakloban sang kalibutan ang tag-iya sang isa ka ‘rent a car’ business matapos nga ginbaligya sang iya customer ang ginpaarkila sini nga salakyan.
Sa interview sang Bombo Radyo kay Christin Joy Ponoles, tagreklamo, iya ginpahayag nga Hunyo 28 sang nag-message sa iya ang customer paagi sa chat kag nagapangita sang salakayan, rason nga gilayon sila nga nagkit-anay sa makaligad ang isa ka adlaw.
Suno kay Ponoles, sang nagkitaay na sila, nagpirma ang customer sang kontrata nga isa ka basic requirement agud nga makarenta sang iya nga salakyan.
Nagpakilala naman ang customer bila si certain Marylou Sarmiento kag nagpakita man sang iya nga driver’s nga may address sa Manila.
Ginpahayag man ni Ponoles nga nagbayad sang P4,000 ang customer sa renta ang P1,500 kada adlaw.
Apang makaligad ang isa ka adlaw, indi na sini makita nga online ang customer sa messegner, rason nga wala man ini naka-reply sa iya.
Ginbalikan naman sang tagreklamo ang establisyemento kun sa diin sila nag-meet-up agud malantaw ang logbook kag makakuha sang kopya sang closed-circuit television ukon CCTV.
Sang ginsekyar na ang logbook sang hotel, lain nga pangalan ang ginbutang sang iya nga customer. Indi naman ini ma-kontak bangud na-lock na ang iya profile sa Facebook.
Natigayon naman nga nakontak sang tagreklamo ang ginapahayag nobyo sang customer, nga nagtulod man sa customer nga mag-message sa tagreklamo.
Nagpa-blotter naman ang tagreklamo sa Jaro Police Station, rason nga nahatagan ini sang kahigayunan nga makita ang logbook sang hotel.
Matapos nag-kontak ang customer, gintudlo sini nga ang salakyan sang tagreklamo ang yara na sa mag-asawa nga lunsay mga pulis.
Sang gin-usisa sang tagreklamo ang mag-asawa, didto na kag natumod nga nabakal sang mag-asawa ang salakyan sa balor nga P300,000.
Natumod naman nga ginpeke sang customer ang tanan nga dokumento nga kinahanglanon, rason nga natigayon nga mabakal ang salakyan.
