𝑭𝒓𝒐𝒎 𝑨𝒏𝒕𝒊𝒒𝒖𝒆 𝒕𝒐 𝑴𝒐𝒍𝒐, 𝒂 𝒔𝒊𝒔𝒕𝒆𝒓’𝒔 𝒍𝒐𝒗𝒆 𝒍𝒊𝒗𝒆𝒔 𝒐𝒏.
Sa pihak sang malain nga panahon, padayon nga nagpadulong ang mga tumuluo sa St. Anne Parish Church sa distrito sang Molo, Iloilo City para sa selebrasyon sang ika-100 ka tuig nga anibersaryo sang Dominican Sisters.
Isa sa mga nagtambong amo si Aileen Panganiban, taga-Libertad, Antique.
Sa interview sang Bombo Radyo, iya ginpahayag nga may utod siya nga Dominican sister nga naka-assign subong sa Legazpi, Albay.
Suno sa iya, lima na ka tuig nga wala nakapauli ang iya utod, gani ginpaninguhaan gid sini nga makaupod sa selebrasyon bilang isa ka importante nga parte sang relihiyoso nga komunidad.
Ginpangunahan ang Holy Mass sang aga ni Cardinal Jose Advincula, kaupod ang mga kaparian sang Archdiocese of Jaro nga ginapangunahan ni Archbishop Midyphill Billones.
Napuno ang simbahan sang mga tumuluo nga naghalad sang bulak kag nagpangamuyo.
Isa sa mga ginpasidunggan amo si Mother Rosario, nga tul-an ginbutang sa isa ka sealed reliquary kag ginhalaran sang mga bulak.
